gutérrés muhim xelqaraliq organlarni islah qilishqa chaqirdi
birleshken döletler teshkilati bash katipi antonyo gutérrés b d t omumiy kéngishi dairiside ötküzülidighan «kélechekning bashliqlar yighini» harpisida muhim xelqaraliq organlarning islah qilinishining nahayiti zor ehmiyetke ige ikenlikini bildürdi.
türkiye awazi radiyosi xewiri:gutérrés «birleshken döletler teshkilati kélechekning bashliqlar yighini yer shari xaraktérlik chaqiriq» tor yighinigha yollighan sinliq bayanatida, mundaq dédi:
«birleshken döletler teshkilati xewpsizlik kéngishi ötmüshte toxtap qaldi, xelqara pul-muamile sistémisi ünümini we tesir küchini yoqatti. hazirqi xelqaraliq tertip nurghun mesililerni bir terep qilishta yétersiz qéliwatidu.»
«shunga <kélechekning bashliqlar yighini> téximu küchlük <köp tereplik sistéma> berpa qilish pursiti yaritip bermekte.»
muhim xelqaraliq organlarning islah qilinishining nahayiti zor ehmiyetke ige ikenlikini eskertken gutérrés, xelqara jemiyetning kelgüsi ewladlar üchün téximu köp hemkarlishishqa éhtiyajliq ikenlikini tekitlidi.
bash katip gutérrés yéngi dewrdiki xirislargha taqabil turush üchün birleshken döletler teshkilati qurulmisiningmu islah qilinishi kéreklikini otturigha qoyup mundaq dédi:
«shunga <kélechekning bashliqlar yighini> dairiside otturigha chiqqan pursettin ünümlük paydilinish kérek. birleshken döletler teshkilatigha eza döletlerdin nöwette muzakire qiliniwatqan kélishimlerni qollishini telep qilimen.»
igilinishiche, birleshken döletler teshkilati omumiy kéngesh dairiside 22 – 23 – sintebir künliri ötküzülidighan «kélechekning bashliqlar yighini» gha sahibxaniliq qilidiken, yighin dairiside, 190 din artuq döletning rehberliri b d t omumiy kéngishige xitab qilidiken.
