amérika bilen engliye ukrainagha qilinidighan yéngi yardemlerning miqdarini élan qildi

türkiye awazi radiyosi xewiri: ukraina tashqi ishlar ministiri andriy sibyga 4-nöwetlik qirim munbiri bashliqlar yighinigha qatnishish üchün barghan kiyéwdaam  tashqi ishlar ministiri blénkin we engliye tashqi ishlar weziri déywid lammi bilen birlikte muxbirlarni kütüwélish yighini ötküzdi.

sibyga méhman ministirlar bilen dölitide dawamlishiwatqan urushqa alaqidar mesililerni muzakire qilghanliqlirini bildürdi.

söhbet jeryanida, ukrainaning mudapie iqtidarini kücheytidighan qedemlerning muhakime qilinghanliqigha isharet qilghan sibyga, ukraina armiyesi üchün yerlik mehsulatlarning we qorallarni sétiwélishqa ajritilidighan mebleghlirining ashurulushining ehmiyitini tekitlep, «bu ukrainagha qiliniwatqan herbiy yardemni téz sürette ashurush we ittipaqdashlirimizning bayliqlirini qoghdashning bir usuli» dédi.

blinkin bolsa, ukrainaning gherb döletliri teminligen uzun musapilik qorallarni ishlitishige ijazet qilish telipi mesilisini ukrainaliq rehberler bilen muzakire qilghanliqlirini, bu melumatlarni amérika pirizidénti jo baydingha yetküzidighanliqini éytti.

antoni blénkin 13-séntebir jüme küni baydin bilen engliye bash weziri kéyr starmérning washingtonda körüshüdighanliqini, ularning ukrainaning uzun musapilik qoral ishlitish teleplirini muzakire qilishlirining mumkinlikini qeyt qildi.

blinkin amérika qoshma ishtatlirining rusiye hujumliri sewebidin ziyangha uchrighan énérgiye sistémisini eslige keltürüsh üchün 325 milyon, insanperwerlik yardimi üchün 290 milyon we minalarni tazilash ishi üchün 102 milyon bolup, ukrainagha jemiy 717 milyon dollar yardem qilidighanliqini bildürdi.

engliye tashqi ishlar weziri lammimu dölitining ukrainagha yilliq 3 milyard fondsérling herbiy yardem qilidighanliqini bildürdi.

bu ariliqta ukraina pirizidénti wolodimir zélénskiy engliye tashqi ishlar weziri lammi we amérika tashqi ishlar ministiri blénkinni qobul qildi.

zélénskiy télégram hésabida élan qilghan bayanatida, uchrishishta barliq muhim mesililerning muzakire qilinghanliqini bildürüp, dölitini qollighanliqi üchün amérika bilen engliyege rehmet éytti.