b d t sudangha yürgüzülüwatqan émbargoning mudditini yene bir yil uzartti
birleshken döletler teshkilati xewpsizlik kéngishi 2005-yildin buyan sudangha yürgüzüwatqanqoral-yaraq émbargosi, sayahet cheklimesi we mal-mülüklerni tonglitip qoyush jazalirining mudditini yene bir yil uzartishni qararlashturdi.
türkiye awazi radiyosi xewiri: amérika qoshma ishtatliri teripidin sunulghan qarar layihesi 15 ezadin teshkil tapqan birleshken döletler teshkilati xewpsizlik kéngishide birdek awaz bilen maqullandi.
qararda, sudangha yürgüzülüwatqan qoral - yaragh émbargosi, bir qisim shexs we organlargha qoyuluwatqan sayahet cheklimesi we mal – mülüklerni tonglitip qoyush qatarliq jazalarning mudditi 2025-yili 12-séntebirgiche uzartildi.
qararning awazgha qoyulushidin kéyin, amérika qoshma ishtatlirining birleshken döletler teshkilatida turushluq muawin daimiy wekili, bash elchi robért wud, darfur xelqining dawamliq xeter we ümidsizlikke duch kéliwatqanliqini tekitlep mundaq dédi:
«bu qararning awazgha qoyulushi intayin muhim. bu xelqara jemiyetning sudan xelqining teqdirige, sudan we rayonning tinchliqi hem bixeterlikige köngül bölidighanliqini körsitidu.»
birleshken döletler teshkilati xewpsizlik kéngishi 2005-yili 29-mart küni maqullighan 1591 - nomurluq qararigha asasen, darfordiki toqunushqa daxil bolghan bir qisim shexs we organlargha qoral - yaragh émbargosi yürgüzüshni qararlashturghanidi.
