ukraina urushida 11 ming 700 din artuq puqra jénidin ayrilghan
b d t ukrainadiki urushta 11 ming 700 puqraning jénidin ayrilghanliqini bildürüp, 79-qétimliq omumiy kéngeshke teyyarliq qiliwatqan eza döletlerning rehberlirini, ukrainadiki urushni axirlashturush üchün barliq pursetlerdin paydilinishqa chaqirdi.
2185847

türkiye awazi radiyosi xewiri: b d t xewpsizlik kéngishide ékwador bilen firansiyening telipige binaen, rusiyening ukrainadiki puqralar we ammiwi ul-eslihelerge qiliwatqan hujumliri toghrisida yighin chaqirildi.
yighinda eza döletlerge melumat bergen b d t insanperwerlik ishlirigha mesul muawin bash katip joys msuya, ukraina weziyitining barghanséri yamanlishiwatqanliqini alahide tekitlidi.
u ölüm-yétim hadisilirining köpiyiwatqanliqini we kishilerning tartiwatqan azab-oqubetlirining «chidighili bolmaydighan derije» ge yetkenlikini eskertip, hazirghiche 11 ming 700 puqraning jénidin ayrilghanliqini, 24 ming 600 puqraning yarilanghanliqini qeyt qildi.
u yene, ukrainada hazirghiche 10 milyon ademning yurt-makanliridin ayrilishqa mejbur bolghanliqini, 26-awghusttin (2024) buyan ukraina tewelikide keng kölemlik hujumlarning dawamlishiwatqanliqini, ukraina-rusiye chégrasida toqunushlarning bashqa jaylarghimu kéngiyiwatqanliqini؛ bu ehwaldin chongqur endishe qiliwatqanliqlirini bildürdi.
u ukrainaning kursk rayonidiki herbiy herikiti netijiside 130 ming ademning yurt-makanliridin ayrilghanliqinimu tilgha élip, bu yerdimu ammiwi ul-eslihelerge hujum qilinghanliqini qeyt qildi.
u mundaq dédi:
«barliq terepler puqralar we puqralar ul-eslihelirini xelqara qanun boyiche qoghdashqa mejburdur.»
u bu yil ukraina üchün élan qilinghan insanperwerlik yardem fondigha 1.4 milyard dollar bérilgenlikini, buning yéterlik emeslikini, ukrainada 14.6 milyon ademning yardemge mohtaj ikenlikini bildürdi.
u axirida, 79-qétimliq omumiy kéngeshke teyyarliq qiliwatqan eza döletlerning rehberlirini, ukrainadiki urushni axirlashturush üchün barliq pursetlerdin paydilinishqa chaqirdi.
مۇناسىۋەتلىك خەۋەرلەر

parizhda süriye mesilisi yighini ötküzüldi
firansiyening paytexti parizhda xelqara süriye mesilisi yighini chaqirildi.