ئىسرائىلىيەنىڭ تىك ئۇچار ئايروپىلانى چۈشۈپ كېتىپ 2 ئەسكەر ئۆلدى
ئىسرائىلىيە ئارمىيەسىنىڭ بىر تىك ئۇچار ئايروپىلانى غەززە رايونىدا چۈشۈپ كېتىپ، 2 ئەسكەر قازا قىلدى، 7 ئەسكەر يارىلاندى.
2186181
تۈركىيە ئاۋازى رادىيوسى خەۋىرى: ئىسرائىلىيە ئارمىيەسى تەرىپىدىن ئېلان قىلىنغان يازما باياناتتا، غەززەنىڭ جەنۇبىدىكى رەفاھ رايونىدا يارىلانغان بىر ئەسكەرنى دوختۇرخانىغا ئېلىپ كېتىۋاتقان بىر تىك ئۇچار ئايروپىلاننىڭ قونۇۋاتقاندا چۈشۈپ كەتكەنلىكى، قازا نەتىجىسىدە تىك ئۇچار ئايروپىلاندىكى 2 ئەسكەرنىڭ قازا قىلغانلىقى، 7 ئەسكەرنىڭ يارىلانغانلىقى قەيت قىلىندى.
باياناتتا، دەسلەپكى تەكشۈرۈش نەتىجىسىگە قارىغاندا، تىك ئۇچارنىڭ چۈشۈپ كېتىشىگە «دۈشمەن ھۇجۇمى» نىڭ سەۋەب بولمىغانلىقى ئىلگىرى سۈرۈلدى.
يارىلانغان ئەسكەرلەرنىڭ دوختۇرخانىغا ئورۇنلاشتۇرۇلغانلىقى ۋە ۋەقەنىڭ تەكشۈرۈلۈشكە باشلانغانلىقى تەكىتلەندى.
