israiliyening ghezze hujumlirida qaza qilghan pelestinlikler sani 41 ming 20 ge yetti

türkiye awazi radiyosi xewiri: ghezzediki pelestin sehiye ministirliqi israiliyening 340 kündin buyan dawamlashturuwatqan ghezze hujumliri toghrisida bayanat élan qildi.

bayanatqa qarighanda, israiliye armiyesi yéqinqi 24 saet ichide ghezzede üch «qirghinchiliq» sadir qilip, yene 32 pelestinlikning jénigha zamin bolghan, 100 pelestinlikni yarilandurghan.

bayanatqa qarighanda, israiliyening ghezzege qaratqan hujumlirida qaza qilghan pelestinlikler sani 41 ming 20 ge, yarilanghanlar sani 94 ming 925 ge yetken.

bayanatta yene, xarabiliklerning astida we yol boylirida qaza qilghan kishilerning barliqi, emma israiliye eskerlirining tosalghusi sewebidin, dawalash etriti we xelq mudapie xadimlirining jesetlerni yötkiyelmeywatqanliqi qeyt qilindi.