gérmaniye armiyesi urushqa teyyar emes

türkiye awazi radiyosi xewiri: kiyél dunya iqtisad inistituti (IfW) «yawropa we gérmaniyening rusiyege qarshi asta-asta qorallinishi» témiliq tekshürüsh doklati élan qildi.

doklatta, gérmaniye armiyesining yüz bérish éhtimali bolghan bir urushqa, nahayiti uzun waqitta teyyar bolalaydighanliqi bildürüldi.

doklatta, gérmaniyening rusiye tehditige qarshi nahayiti asta qoralliniwatqanliqi, gérmaniye bilen rusiyening herbiy iqtidarliri otturisidiki perqning barghanséri chongiyiwatqanliqi eskertildi.

rusiyedin kelgen hazirqi tehditni nezerge alghanda, birleshme hökümet teripidin mudapiege serp qiliniwatqan xirajetlerning pütünley yétersizliki qeyt qilinghan doklatta, buninggha hazirqi teminlesh süritini qoshqanda, gérmaniyening 20 yil ilgiriki zapas qoral-yaragh  ambirigha ige bolushigha 100 yildek waqit kétidighanliqi  bildürüldi.

gérmaniye armiyesining hazirqi teminlesh süriti bilen 2004-yildiki urush ayropilanliri zapisigha texminen 15 yilda, tanka zapisigha texminen 40 yilda we yiraq musapiliq dala zembiriki zapisigha 100 yilda yételeydighanliqi  tekitlendi.

gérmaniyede 2004-yili 423 dane urush ayropilani bar bolup, bu san 2021-yilda 226 ge chüshti. yéqinqi ikki yilning zakas süriti bilen hésablighandimu 2004-yilning reqimige yétishige 2038-yili emelge ashidu.

doklatta, ishlepchiqirish iqtidarini ashurghan rusiye, gérmaniye armiyesining qolidiki qoral-yaragh zapisini alte aydin az bir waqitta ishlepchiqiralaydighanliqi qeyt qilindi.