германийә армийәси урушқа тәййар әмәс

түркийә авази радийоси хәвири: кийел дунйа иқтисад иниститути (IfW) «йавропа вә германийәниң русийәгә қарши аста-аста қораллиниши» темилиқ тәкшүрүш доклати елан қилди.

доклатта, германийә армийәсиниң йүз бериш еһтимали болған бир урушқа, наһайити узун вақитта тәййар болалайдиғанлиқи билдүрүлди.

доклатта, германийәниң русийә тәһдитигә қарши наһайити аста қораллиниватқанлиқи, германийә билән русийәниң һәрбий иқтидарлири оттурисидики пәрқниң барғансери чоңийиватқанлиқи әскәртилди.

русийәдин кәлгән һазирқи тәһдитни нәзәргә алғанда, бирләшмә һөкүмәт тәрипидин мудапиәгә сәрп қилиниватқан хираҗәтләрниң пүтүнләй йетәрсизлики қәйт қилинған доклатта, буниңға һазирқи тәминләш сүритини қошқанда, германийәниң 20 йил илгирики запас қорал-йарағ  амбириға игә болушиға 100 йилдәк вақит кетидиғанлиқи  билдүрүлди.

германийә армийәсиниң һазирқи тәминләш сүрити билән 2004-йилдики уруш айропиланлири записиға тәхминән 15 йилда, танка записиға тәхминән 40 йилда вә йирақ мусапилиқ дала зәмбирики записиға 100 йилда йетәләйдиғанлиқи  тәкитләнди.

германийәдә 2004-йили 423 данә уруш айропилани бар болуп, бу сан 2021-йилда 226 гә чүшти. йеқинқи икки йилниң закас сүрити билән һесаблиғандиму 2004-йилниң рәқимигә йетишигә 2038-йили әмәлгә ашиду.

доклатта, ишләпчиқириш иқтидарини ашурған русийә, германийә армийәсиниң қолидики қорал-йарағ записини алтә айдин аз бир вақитта ишләпчиқиралайдиғанлиқи қәйт қилинди.