يەمەندە خۇسىيلار ئامېرىكاغا تەۋە MQ-9 تىپلىق ئۇچقۇچىسىز ئايروپىلاننى ئېتىپ چۈشۈردى
يەمەندە ئىراننىڭ قوللىشى ئاستىدىكى خۇسىيلار يەمەننىڭ ئوتتۇرا قىسمىدىكى مارىب ئۆلكىسىدە ئامېرىكاغا تەۋە قوراللىق ئۇچقۇچىسىز ئايروپىلاننى ئېتىپ چۈشۈرگەنلىكىنى ئېلان قىلدى.
2184516
تۈركىيە ئاۋازى رادىيوسى خەۋىرى: خۇسىيلارنىڭ ھەربىي باياناتچىسى يەھيا سەرى يازما باياناتىدا، مارىب ئۆلكىسىنىڭ ئاسمىنىدا ئامېرىكا ئارمىيىسىگە تەۋە MQ-9 تىپلىق ئۇچقۇچىسىز ئايروپىلاننى ئېتىپ چۈشۈرگەنلىكىنى بىلدۈردى.
يەھيا سەرى ئامېرىكانىڭ ئۇچقۇچىسىز ئايروپىلانىنىڭ مارىب ئاسمىنىدىكى ھۇجۇم ۋەزىپىسى جەريانىدا خۇسىيلارنىڭ ھاۋا مۇداپىئە سىستېمىسى تەرىپىدىن ئېتىپ چۈشۈرۈلگەنلىكىنى ئۇقتۇردى.
باياناتچى يەھيا سەرى مۇشۇنىڭ بىلەن ئېتىپ چۈشۈرۈلگەن MQ-9 تىپلىق ئۇچقۇچىسىز ئايروپىلانلار سانىنىڭ 8 گە ئۆرىگەنلىكىنى بىلدۈردى.
