ستولتېنبېرگ خىتاينى رۇسىيەنى قوللاشنى توختىتىشقا چاقىردى
شىمالىي ئاتلانتىك ئەھدى تەشكىلاتى-ناتو باش كاتىپى جېنس ستولتېنبېرگ خىتاينى ئۇكرائىنا ئۇرۇشىدا رۇسىيەنى قوللاشنى توختىتىشقا چاقىرىق قىلىپ، بېيجىڭنىڭ ياردىمىنىڭ ئۇرۇشنىڭ داۋاملىشىشىدىكى مۇھىم ئامىل ئىكەنلىكىنى ئېيتتى.
2184229
تۈركىيە ئاۋازى رادىيوسى خەۋىرى: ناتو باش كاتىپى ستولتېنبېرگ نورۋېگىيەنىڭ پايتەختى ئوسلوداخىتاي توغرىسىدا بايانات ئېلان قىلدى.
ئۇ باياناتىدا مۇنداق دېدى:
«خىتاي رۇسىيەنىڭ ئۇكرائىناغا قارشى ئۇرۇشىدا ھەل قىلغۇچ قولايلاشتۇرغۇچىغا ئايلاندى. دەرۋەقە، خىتاي رۇسىيە ئىشلىتىدىغان نۇرغۇن قورال-ياراغلارنى ئىشلەپچىقىرىدىغان دۆلەتتۇر. بېيجىڭنىڭ ئۇكرائىنا ئۇرۇشىغا قۇتراتقۇلۇق قىلىشى خىتاينىڭ مەنپەئەتلىرى ۋە ئىناۋىتىگە سەلبىي تەسىر كۆرسىتىدۇ. خىتاينى رۇسىيەنىڭ قانۇنسىز ئۇرۇشىنى قوللاشنى توختىتىشقا چاقىرىمەن.»
ناتونىڭ 2022-يىلى مادرىدتا چاقىرىلغان باشلىقلار يىغىنىدا ماقۇللانغان يېڭى ئىستراتېگىيەلىك ئۇقۇم ھۆججىتىدە، خىتاي تۇنجى قېتىم ناتو تەرىپىدىن «سىستېمىلىق خىرىس» ئامىلى دەپ بېكىتىلگەنىدى.
