исраилийә қисимлири ғәрбий қирғаққа һавадин һуҗум  қилип 5 пәләстинлик йашни өлтүрди

түркийә авази радийоси хәвири: пәләстин қизилай җәмийитиниң йазма байанатиға асасланғанда, исраилийә қисимлири ғәрбий қирғақтики тубас шәһиридә кетиватқан бир аптомобилға һавадин һуҗум қилған.

һуҗумда, аптомобилда олтурған бәш пәләстинлик йашниң шеһит болғанлиқи билдүрүлди.  

исраилийә қисимлири түнүгүн (4-сентәбир) әтигәндин буйан ғәззә райониниң һәрқайси җайлирида елип барған һуҗумлирида 22 нәпәр пәләстин пуқрасини өлтүрди.

ғәззә районидики хәлқ мудапиә башқармисиниң байанатчиси мәһмуд басал иҗтимаий алақә суписи телеграм адресида, мәзкур мәсилә тоғрисида йазма байанат елан қилди.

басал исраилийәниң ғәззә райониниң шималидин җәнубидики рәфаһ чеграсиғичә болған һәр қайси районлардики һуҗумлирини давамлаштуруватқанлиқини билдүрди.

ғәззә райониниң шимали вә оттура қисмида, җибалийә һәмдә нусәйрат панаһланғучилар лагерида, рәфаһ шәһиридә өлтүрүлгәнләрниң барлиқини байан қилған басал, исраилийәниң һуҗумида кичик балиларни  қошқанда җәмий 22 пәләстин пуқрасиниң өлтүрүлгәнликини тәкитлиди.