elqessam birigadaliri ghezzede israiliye eskerlirige zerbe bérishni bashlidi
pelestin islamiy qarshiliq körsitish herikiti-hamasning herbiy qaniti izzuddin elqessam birigadaliri ghezze rayonining her qaysi jaylirigha bésip kirgen israiliye eskerlirige qarshi bir qatar heriketlerni élip barghanliqini élan qildi.
türkiye awazi radiyosi xewiri: elqessam birigadaliri refah shehirining gherbidiki tel sultan mehelliside ilgiri israiliye eskerliri teripidin tozaq ornida qurulghan 3 tonélning kirish éghizini partlatti.
elqessam birigadaliri yene bir bayanatida, israiliye qisimlirigha tewe ikki mérkawa tankidin birining yasin -105 tipliq bashqurulidighan bomba bilen, yene birining bolsa, yerge orunlashturulghan partlatquch bilen pachaqlap tashlanghanliqini bildürdi.
yene bir bayanatta, islamiy jihad herikitining herbiy qaniti quddus sariyeliri (partizanliri) bilen élip bérilghan birleshme herikette xan yunus shehiride turushluq bir guruppa israiliye eskerlirining minamyot hujumi arqiliq ujuqturulghanliqi uqturuldi.
israiliye bu bayanlargha téxiche héchqandaq inkas qayturmidi.
elqessam birigadaliri tünügün tél awiw shehiri we etrapigha ikki bashqurulidighan bomba bilen hujum qilghanliqini élan qilghan idi.
