amérika: iran öch élish hujumi qozghishi mumkin
amérika hökümiti iranning bu hepte hamasning sabiq siyasiy biyurosining reisi ismail heniyyening qestlep öltürülgenlikige qarita öch élish hujumi qozghash éhtimalliqining barliqini ilgiri sürdi.
türkiye awazi radiyosi xewiri: aq saray dölet bixeterlik uchur - alaqe ishliri meslihetchisi jon kirbi, sin yighini arqiliq ötküzgen axbarat élan qilish yighinida, ottura sherq rayonining nöwettiki weziyiti heqqide toxtaldi.
iran we irangha qarashliq guruppilarning israiliyege qarshi hujum qozghash éhtimalliqini nezerde tutup, tél awiwgha her jehettin yardem béridighanliqlirini tekitligen kirbi, iranning bu hepte hujum qozghishi mumkinliki toghrisidiki perezlerge qarita mundaq dédi:
«amérika qoshma ishtatlirimu iranning mushu hepte israiliyege hujum qozghishidin endishe qilmaqta.»
«iranning qachan hujum qozghaydighanliqini texmin qilish nahayiti müshküldur, derweqe, iran israiliyege éghir hujumlarni qozghishi mumkin.»
hamasning sabiq siyasiy biyurosining reisi ismail heniyye 31-iyul küni iranning paytexti téhranda qestlep öltürülgenidi.
iran bilen hamas hujumning arqisida israiliyening barliqini bildürgen, téhran tél awiw hökümitige jawab qayturidighanliqini jakarlighanidi.
