نىگېرىيەدە يولۇچىلار  كېمىسى چۆكۈپ كېتىپ نۇرغۇن ئادەم ئۆلدى

تۈركىيە ئاۋازى رادىيوسى خەۋىرى: نىگېرىيە تاراتقۇلىرىنىڭ خەۋەر قىلىشىچە، سوكوتو ئۆلكىسىدە ئېتىزلىققا قاراپ كېتىۋاتقان كىشىلەر ئولتۇرغان كېمە دوندايې دەرياسىدا چۆكۈپ كەتكەن.

قازا نەتىجىسىدە كېمىدىكى 25 ئادەم ھاياتىدىن ئايرىلغان، 15 ئادەم قۇتقۇزۇۋېلىنغان.

ئىگىلىنىشىچە، نىگېرىيەدە يامغۇر پەسلىدە دەريا ۋە كۆللەردە پات-پات كېمە چۆكۈپ كېتىش ۋەقەلىرى يۈز بېرىدىكەن.

8-ئاينىڭ 9-كۈنىمۇ، بايېلسا ئۆلكىسىدە يولۇچىلار ئولتۇرغان كېمە چۆكۈپ كېتىپ 5 ئادەم ھاياتىدىن ئايرىلغان، 15 ئادەم يوقاپ كەتكەنىدى.