firansiye israiliyening norwégiye diplomatliri toghrisidiki qararigha naraziliq bildürdi

türkiye awazi radiyosi xewiri: firansiye tashqi ishlar ministirliqi israiliyening ishghaliyiti astidiki pelestin zéminida turushluq norwégiye elchixanisida ishlewatqan diplomatlarning étirapnamisini bikar qilghanliqi toghrisida yazma bayanat élan qildi.

bayanatta, israiliyening pelestin hökümiti bilen hemkarliship xizmet qiliwatqan norwégiye diplomatlirining étirapnamisini bikar qilish qararidin «chongqur endishe» qiliniwatqanliqi otturigha qoyuldi.

bayanatta yene, israiliyelikler bilen pelestinliklerning uzun muddetlik tinchliq ornitishigha <ikki döletlik hel qilish charisila kapaletlik qilalaydighanliqi> qeyt qilindi.

israiliye 8 -awghust pelestin dölitini étirap qilidighanliqini élan qilghan norwégiyening pelestindiki diplomatik wekillirining étirapnamisini bikar qilghanliqini jakarlighanidi.

norwégiye 5-ayning 28-küni pelestin dölitini resmiy étirap qilghanliqini élan qilghanidi. israiliye bolsa, pelestin dölitini resmiy étirap qilghan irélandiye bilen norwégiyede turushluq bash elchilirini dölitige qayturup kelgenidi.

norwégiye irélandiye we ispaniye bilen birla waqitta pelestin dölitini étirap qilishni qarar qilghandin kéyin, pelestin dölitini étirap qilghan döletler  sani 146 ge yetti.