iranning yéngi pirézidénti parlaméntqa qurulidighan hökümet kabénti tizimlikini sundi

türkiye awazi radiyosi xewiri: pezeshkiyanning tizimlikide tashqi ishlar ministirliqi wezipisi üchün sabiq pirézidént hesen ruhanining dewride muawin tashqi ishlar ministiri bolghan we yadro kélishimliride bash muzakirichi bolghan abbas arachimu orun aldi.

sabiq zeherlik chékimlikke qarshi turush teshkilatining bash katipi we sabiq birigada komandiri shundaqla inqilabni muhapizet qilish armiyesining sabiq qomandani général iskender mumini ichki ishlar ministirliqigha körsitildi.

dölet mudapie ministirliqigha sabiq hawa armiye qomandani birigada komandiri eziz nasirzade namzat körsitildi. istixbarat ministirliqigha bolsa, hazirqi ministir ismail hebib namzat qilindi.

yol we sheherchilik ministirliqigha bolsa, ayal mimar ferzan sadiq namzatliqqa körsitildi.

kabinét tizimliki üchün dindarlar köp sanliqni igileydighan iran parlaméntida, bir hepte dawamlishidighan muzakiridin kéyin, tizimlikning ishench awazigha qoyulishi mölcherlenmekte.