shimaliy koréye jenubiy koréyege qaytidin exlet qachilanghan sharlarni yollidi
jenubiy koréye shimaliy koréyening exlet qachilanghan sharlarni qaytidin yollighanliqini élan qildi.
türkiye awazi radiyosi xewiri: yonxap agéntliqining xewirige asaslanghanda, jenubiy koréye armiye bash ishtabi (JCS) ning bayanatida, shimaldin «exlet qachilanghan» sharlarning ewetilgenliki bildürülgen.
bayanatta, sharlarning paytext séulni chörideydighan gyonggi ölkisining shimaliy qismigha qarap ilgirilesh éhtimali barliqi, xelqning sharlargha tegmesliki we sharlarni körgende alaqidar mesullargha uqturushi tewsiye qilindi.
jenubiy koréyede turushluq shimaliy koréyelik panahlanghuchilar we paaliyetchiler shimaliy koréye hökümitini tenqid qilidighan teshwiqat waraqchisi qachilanghan chong sharlarni shimaliy koréyege ewetken idi.
shimaliy koréye buninggha qarita may éyining axirighiche jenubiy koréyege 3000 din artuq exlet qachilanghan sharlarni yollighan idi.
ikki dölet otturisida jiddiychilik peyda qilghan sharlarning ewetilishi, shimaliy koréye teripidin «pikir erkinliki» dep teriplengen bolup, jenubiy koréye bu bayanatni eyibligen idi.
