izzeddin elqessam birigadiliri yehya sinwargha beyet qildi
hamasning qoralliq qaniti izzeddin elqessam birigadiliri hamas siyasiy biyorosining rislikige saylanghan yehya sinwargha beyet qilghanliqini bildürdi.
türkiye awazi radiyosi xewiri: hamasning qoralliq qaniti izzeddin elqessam birigadiliri bayanatchisi ebu ubeyde, ammiwi ortaqlishish tor béti télégram sehipiside, bu heqte élan qilghan bayanatida, mundaq dédi:
«izzeddin elqessam birigadiliri shéhit qomandanimiz ismail heniyyening ornigha saylanghan yehya sinwargha beyet qilidu, qararlirini toluq ijra qilidu, hemde yehya sinwarning shéhit qomandanimiz ismail heniyyening ornigha saylinishini bu heriketning hayatiy küchi we küchining ispati dep qaraydu.»
hamas, iranning paytexti téhranda 31-iyul küni suyiqestke uchrap shéhit bolghan ismail heniyyening ornigha, yehya sinwarning bu heriketning siyasiy biyurosining reislikige saylanghanliqini uqturghanidi.
yene bir tereptin, israiliye armiyesige ait urush ayropilanlirining liwanning jenubiy qisimidiki seyda shehiride bir aptomobilni bombardiman qilishi netijiside hamas emeldari samir elhaj qaza qilghan, aptomobil sirtidiki 2 puqra yarilanghan.
