b d t xelqara jemiyetni yemenge jiddiy yardem bérishke chaqirdi

türkiye awazi radiyosi xewiri: birleshken döletler teshkilatining yemende turushluq insanperwerlik ishlirini maslashturush ishxanisining ammiwi ortaqlishish tor béti X sehipiside élan qilinghan  bayanatida, yéqinqi künlerde yemende qara yamghur keltürüp chiqarghan kelkün apiti sewebidin onlarche kishining hayatidin ayrilghanliqi, öy we ul eslihelerning éghir ziyangha uchrighanliqi eskertildi.

bayanatta, xelqara jemiyet yemendiki kelkün apitide éghir talapetke uchrighanlargha jiddiy yardem bérishke chaqiriq qilindi. insanperwerlik yardem teshkilatlirining yardemge jiddiy éhtiyaji bar rayonlarda xizmet ishlewatqanliqi qeyt qilindi.

yemen qizilay jemiyitining bayanatida, taiz, hudeyde, hajje, amran, sada, zemmar we sana qatarliq jaylarda qara yamghur keltürüp chiqarghan kelkün apitide 45 ademning qaza qilghanliqi, 12 ademning yoqap ketkenliki bildürüldi.

kelkün apitide 93 ming 440 ademning talapetke uchrighanliqi, 3640 ademning öy – makanliridin ayrilip qalghanliqi uqturulghanidi.