б д т хәлқара җәмийәтни йәмәнгә җиддий йардәм беришкә чақирди
бирләшкән дөләтләр тәшкилати хәлқара җәмийәтни йәмәндики кәлкүн апитидә еғир талапәткә учриған районларға җиддий йардәм беришкә чақирди.
түркийә авази радийоси хәвири: бирләшкән дөләтләр тәшкилатиниң йәмәндә турушлуқ инсанпәрвәрлик ишлирини маслаштуруш ишханисиниң аммиви ортақлишиш тор бети X сәһиписидә елан қилинған байанатида, йеқинқи күнләрдә йәмәндә қара йамғур кәлтүрүп чиқарған кәлкүн апити сәвәбидин онларчә кишиниң һайатидин айрилғанлиқи, өй вә ул әслиһәләрниң еғир зийанға учриғанлиқи әскәртилди.
байанатта, хәлқара җәмийәт йәмәндики кәлкүн апитидә еғир талапәткә учриғанларға җиддий йардәм беришкә чақириқ қилинди. инсанпәрвәрлик йардәм тәшкилатлириниң йардәмгә җиддий еһтийаҗи бар районларда хизмәт ишләватқанлиқи қәйт қилинди.
йәмән қизилай җәмийитиниң байанатида, таиз, һудәйдә, һаҗҗә, амран, сада, зәммар вә сана қатарлиқ җайларда қара йамғур кәлтүрүп чиқарған кәлкүн апитидә 45 адәмниң қаза қилғанлиқи, 12 адәмниң йоқап кәткәнлики билдүрүлди.
кәлкүн апитидә 93 миң 440 адәмниң талапәткә учриғанлиқи, 3640 адәмниң өй – маканлиридин айрилип қалғанлиқи уқтурулғаниди.
