üch dölet urush toxtitish üchün söhbetni qaytidin bashlashni telep qildi

türkiye awazi radiyosi xewiri: amérika pirézidénti jo baydin, misir pirézidénti abdulfettah essisi we qatar emiri el sanining imzasi bilen birleshme yazma bayanat élan qilindi.

bayanatta, israiliye bilen hamas 15-awghust (2024) ghezzede urush toxtitish we mehbuslarni almashturush söhbitini qayta bashlashqa dewet qilindi. yéngi söhbet musapisining misir paytexti qahire yaki qatar paytexti dohada ötküzülidighanliqi eskertildi.

bayanatta, urush toxtitish üchün köp waqit israp qilmasliq kérekliki alahide eskertildi we her ikki terepning kéchikishni keltürüp chiqiridighangha her qandaq  bahanelerni qilmasliq kérekliki tekitlendi.

bayanatta mundaq déyildi:

«görüge élinghanlarni qoyup bérish, urush toxtitish we bu kélishimni ijra qilishning waqti keldi.»

israiliye bash ministirliq ishxanisi bu chaqiriqqa jawab qayturup, israiliyening 15-awghust ötküzülidighan söhbetke  muzakire wekillirini ewetidighanliqini bildürdi.

amérika pirézidénti baydin 31-may üch basquchluq yéngi urush toxtitish teklipini otturigha qoyghan idi. emma, israiliye «békitilgen nishan» emelge ashmighuche ghezzediki hujumlirini dawamlashturidighanliqini élan qilghan idi.