amérika ottura sherqqe küreshchi ayropilanlarni ewetti

türkiye awazi radiyosi xewiri: amérika merkiziy armiye qomandanliq ishtabi éks (X) bétide bayanat élan qilip, amérika hawa armiyesining «F-22» tipliq küreshchi ayropilanlirining ottura sherqqe ewetilgenlikini bildürdi.

bayanatta, «F-22 ayropilanlirining iran yaki qollighuchilirining rayon weziyitini keskinleshtürüwétish mumkinchilikini azaytish meqsitide», rayondiki amérika merkiziy armiye qomandanliq ishtabining mesuliyet dairisige yétip barghanliqi qeyt qilindi.

bayanatta, qanche dane «F-22» ayropilani yaki qaysi dölet we döletlerge ewetilgenliki toghrisida melumat bérilmidi.

hamas siyasiy biyurosining reisi ismail heniyye 31-iyul (2024) iran paytexti téhranda suyiqestke uchrap jénidin ayrilghan idi. iran bolsa, tél awiw hökümitige jawab qayturidighanliqini élan qilghan idi.

amérika merkiziy armiye qomandanliq ishtabi bashliqi général mishél érik kurillaning (Michael Erik) iran bilen jiddiychilik barghanséri küchiyiwatqan bir waqitta isirailiyeni qaytidin ziyaret qilghanliqi bildürüldi.

général mishél érik kurilla 5-awghustmu isiraliyeni ziyaret qilghan bolup, isirailiye dölet mudapie ministiri gallant we qomandanliq ishtabining bashliqi xérzi xaléwi bilen körüshken idi.