engliyediki qatilliq délosi gumandarining gallérliq xiristiyan ikenliki ashkarilandi

türkiye awazi radiyosi xewiri: chéshir (Cheshire ) saqchi idarisi 55 yashliq sodiger ayalning 29-iyul (2024) jenubiy port shehiride (Southport) yüz bergen we üch balining ölüshini keltürüp chiqarghan pichaq hujumini sadir qilghuchi heqqide ijtimaiy taratquda xata uchur tarqatqanliqi üchün qolgha élinghanliqini élan qildi.

saqchi idarisining bayanatida mundaq déyildi:

 «55 yashliq bir ayal 8-awghust irqiy öchmenlik peyda qilish we xata uchur tarqitish meqsitide yazma matériyallarni élan qilish jinayiti bilen bilen qolgha élindi.»

engliye taratquliri qolgha élinghan ayalning bérnadétté spofors (Bernadette Spofforth) isimlik ​​sodiger ikenlikini xewer qildi.

«kündilik pochta géziti» tekshürüsh netijiside, jenubiy porttiki jinayetchining kimlikige munasiwetlik yalghan bayanlarning birinchi bolup spoforsning yazmisida tilgha élinghanliqi toghrisidiki uchurlarni hembehrlidi.

spoforsning ijtimaiy taratquda minglarche egeshküchisi bar bolup,  u «waqit géziti» ning ziyaritini qobul qilghanda: «bularni hembehrlidim. tuyuqsiz peyda bolghan ichki héssiyat tüpeylidin qilinghan exmeqlerche ish idi. bu méni tügeshtürüwetti» dep pushayminini tilgha aldi.

u hembehrligen uchurida,  gumandarning ismini «eli el shakati» dep yazghan we ötken yili (2023) engliyege qanunsiz kelgen, istixbarat  orgini izdewatqan kishi ikenlikini bayan qilghan.

saqchi idarisi üch kichik balini öltürgen jinayetchining 17 yash bolushi sewebidin kimlikini ashkarilimighan, emma ijtimaiy taratqularda musulman köchmen ikenliki toghrisidiki söz-chöcheklerning tarqilishi bilen, ashqun ongchilar jamelerge we köchmenlerge hujum qilishni bashlighan idi.

 engliyede 30-iyul (2024) bashlanghan radikal ongchil zorawanliqlarda nurghun köchmen we saqchilar hujumgha uchridi. jameler, öyler, shirketler, aptomobillar we saqchi esliheliri ziyangha uchridi.

engliye we shimaliy irélandiyede yüz bergen weqelerde bolsa, 483 kishi qolgha élindi, bularning 149 nepiri sotlandi.

weqe yüz bérip üch kündin kéyin, jenubiy portta üch balini öltürgen we 8 balini öz ichige alghan 10 ademni yarilandurghan hujumchining aksél radukubana (Axel Radukubana) ikenliki élan qilindi. gallér paytexti kardifta tughulghan radukubananing xiristiyan ikenlikimu ashkarilandi.