rusiyening kursk rayonida jiddiy halet élan qilindi

türkiye awazi radiyosi xewiri: rusiye kursk rayonining waliy wekili alékséy smirnow  télégram bétide bayanat élan qilip, ukraina armiyesining 6-awghust (2024) kursk rayonigha hujum bashlishidin kéyin otturigha chiqqan weziyet toghrisida melumat berdi.

u: «düshmen qisimlirining kursk rayonigha qilghan hujumi sewebidin yüz bergen buzghunchiliqlarni yoqitish üchün, rayonda 7-awghusttin bashlap jiddiy halet élan qilishni qarar qildim» dédi.

rusiye sehiye ministirliqi ukraina eskerlirining rayongha qilghan hujumida yarilanghanlar sanining 31 ge chiqqanliqini élan qildi.

rusiye pirézidénti wladimir putin bixeterlik mesulliri bilen kursk rayonining weziyiti toghrisida yighin ötküzüp, hökümettin puqralargha zörür yardemlerni qilishni kapaletke ige qilishni telep qilghan idi.