iranda bir namayishchining ölüm jazasi ijra qilindi
iranda mahsa amini weqeside saqchini öltürgen dep eyiblengen bir namayishchining ölüm jazasi ijra qilindi.
türkiye awazi radiyosi xewiri: 2022-yildiki mahsa amini namayishida polkownik nadir beyramini öltürgenliki üchün ölüm jazasigha höküm qilinghan ghulam riza resayining ölüm jazasi ijra qilindi.
iran oqughuchilar xewer agéntliqi (ISNA) ning xewirige asaslanghanda, edliye tarmaqliri bu mesile toghrisida yazma bayanat élan qilghan. bayanatta, mahsa amini namayishi jeryanida polkownik bayramini pichaqlap öltürüsh jinayiti bilen qolgha élinghan resayigha bérilgen ölüm jazasining karmanshah shehiridiki bir türmide ijra qilinghanliqi bildürülgen.
sot mehkimisi 2023 - yili 7 - séntebirde resayini ölüm jazasigha höküm qilghan idi.
iranning paytexti téhranda 2022-yili 13-sintebirde, «exlaq saqchisi» dep atilidighan charlash etriti tutqun qilghandin kéyin késel bolup doxturxanida yatqan 22 yashliq mahsa amini 3 kündin kéyin qaza qilghan idi.
aminining ölümidin kéyin, 2022-yili 17-séntebirde uning yurti sakkizda bashlanghan namayish pütün memliketke kéngiyip, hökümetke qarshi namayishqa aylanghan idi.
aylarghiche dawamlashqan namayishlarda, texminen 500 namayishchi we 100 din artuq saqchi qaza qilghan idi.
