bangladishta waqitliq hökümetning bash ministiri wezipige teyinlendi

türkiye awazi radiyosi xewiri: «dakka tribun» gézitining bildürüshiche, oqughuchilarning namayishliri bilen dawalghughan bangladishta, pirézidént muhemmed shahabuddin bilen oqughuchilarning «ayrimichiliqqa qarshi heriket» wekilliri muzakire ötküzüsh netijiside, waqitliq hökümetning bash ministirliq wezipisige nobél tinchliq mukapatigha érishken muhemmed yunus teyinlengen. waqitliq hökümetning bashqa mnistirliri siyasiy partiyeler bilen muzakire ötküzüsh arqiliq belgilinidiken.

bangladishta 1971-yildiki musteqilliq urushida xizmet qilghan kishilerning perzentlirige dölet organlirida ishtat ayrish qarari chiqirilghandin kéyin, iyul éyining (2024) otturilirida oqughuchilarning namayishliri partlighan idi.

bangladish aliy soti iyul éyining axirida ishtat san cheklimisining töwenlitilishi bilen, namayishlarning axirlashqanliqini bildürgen idi.

namayishlarda yüz bergen zorawanliqlargha jawabkar dep qaralghan jamaeti islamiy partiyesi bilen oqughuchilar qaniti cheklengendin kéyin, kishiler bu qétim namayishlarda jénidin ayrilghanlar üchün «adalet» telep qilish chaqirqi bilen qaytidin kochilarni toldurghan idi.

 namayishlarda yüz bergen zorawanliq weqeliride, yüzlerche kishi jénidin ayrilghan, minglarche kishi tutqun qilinghan idi.

namayishlarda zorawanliqlar barghanséri köpiyiwatqan bir waqitta, bash ministir sheyx hasina tik uchar bilen hindistangha qéchip ketken idi. namayishchilar bash ministirning turalghusigha bésip kirgen idi.

nobil tinchliq mukapatigha érishken muhemmed yunus kim?

qachqun bash ministir hasina uzun waqittin buyan özige reqip dep qarighan 84 yashliq muhemmed yunus, «kembeghellerning bankiri» süpitide tonilidu. nurghun iqitisadiy jazalargha uchrighan.

muhemmed yunus «gramin bankasi» qurghanliqi we qilghan nurghun xizmetliri sewebidin 2006-yili nobél tinchliq mukapatigha layiq körülgen.