iran heniyye suyiqesti dairiside qolgha élinghanlarning yoqluqini bildürdi

türkiye awazi radiyosi xewiri: iran dölet téléwiziyesining xewirige qarighanda, jihangir paytext téhranda heniyye suyiqestige munasiwetlik qanuniy tekshürüshler toghrisida muxbirlarni kütüwélish yighini ötküzgen.

xewerde körsitilishiche, jihangir yighinda söz qilip: «bezi gézit we ijtimaiy alaqe tor béketliride kishilerning tutqun qilinghanliqi toghrisida söz-chöchekler bar. hazirghiche bu délo dairiside birmu kishi tutqun qilimidi» dégen.

weqedin kéyinla herbiy teptish mehkimisi bashliqining yolyoruqigha asasen, herbiy teptish xadimlirining derhal tekshürüshni bashlighanliqini, delil-ispat toplash jeryanining téxi dawam qiliwatqanliqini bildürgen jihangir, tekshürüsh axirlashqandin kéyin bayanat élan qilinidighanliqini eskertken.

hamas siyasiy biyurosi reisi ismail heniyye 31-iyul iranning paytexti téhranda suyiqestke uchrap shéhit bolghanidi.