amérika shimaliy koréyeni söhbet üsitilige qaytishqa chaqirdi

türkiye awazi radiyosi xewiri: amérika tashqi ishlar ministirliqi bayanatchisi matéw millér shimaliy koréye rehbiri kim jongunning dölitining paytexti piyongyangda ötküzülgen bir murasimda, 250 dane yéngi tiptiki ballistik bashqurulidighan bomba supisining eskerlerge ötküzüp bérilidighanliqini jakarlighanliqi heqqidiki xewerler toghrisida toxtilip: «biz shimaliy koréyeni <qutritish> xaraktérlik qedemlerni tashlashtin waz kéchip, söhbet üstilige qaytip qaytip kélishke chaqirimiz» dédi.

u piyongyang hökümitining yadro qorali sinaq qilish éhtimalining bar-yoqluqi heqqidiki bir soalgha «bir pikrim yoq» dep jawab berdi.

shimaliy koréye merkiziy xewer agéntliqining 5-awghusttiki xewirige qarighanda, kim jongun 250 xil yéngi tiptiki ballistik bashqurulidighan bomba supisining eskerlerge ötküzüp bérilidighanliqini jakarlash murasimida söz qilip, yéngi supilarning aldinqi septiki eskerlerni jenubiy koréyege qarshi «ghayet zor herbiy küch» bilen teminleydighanliqini hemde «taktikiliq» yadro qorallirini ishlitishni téximu qolay we ünümlük qilidighanliqini otturigha qoyghanidi.