америка шималий корейәни сөһбәт үситилигә қайтишқа чақирди

түркийә авази радийоси хәвири: америка ташқи ишлар министирлиқи байанатчиси матев миллер шималий корейә рәһбири ким җоңунниң дөлитиниң пайтәхти пийоңйаңда өткүзүлгән бир мурасимда, 250 данә йеңи типтики баллистик башқурулидиған бомба суписиниң әскәрләргә өткүзүп берилидиғанлиқини җакарлиғанлиқи һәққидики хәвәрләр тоғрисида тохтилип: «биз шималий корейәни <қутритиш> характерлик қәдәмләрни ташлаштин ваз кечип, сөһбәт үстилигә қайтип қайтип келишкә чақиримиз» деди.

у пийоңйаң һөкүмитиниң йадро қорали синақ қилиш еһтималиниң бар-йоқлуқи һәққидики бир соалға «бир пикрим йоқ» дәп җаваб бәрди.

шималий корейә мәркизий хәвәр агентлиқиниң 5-авғусттики хәвиригә қариғанда, ким җоңун 250 хил йеңи типтики баллистик башқурулидиған бомба суписиниң әскәрләргә өткүзүп берилидиғанлиқини җакарлаш мурасимида сөз қилип, йеңи супиларниң алдинқи сәптики әскәрләрни җәнубий корейәгә қарши «ғайәт зор һәрбий күч» билән тәминләйдиғанлиқини һәмдә «тактикилиқ» йадро қораллирини ишлитишни техиму қолай вә үнүмлүк қилидиғанлиқини оттуриға қойғаниди.