iran israiliyege «keskin jawab qayturidighanliqini» bildürdi
iranning muweqqet tashqi ishlar ministiri eli baqiri israiliyening téhranda hismail heniyyege hujum qilip, irangha qarshi «chong qizil siziq» tin halqip ketkenlikini we iranning tél awiwgha «keskin jawab qayturidighanliqini» éytti.
türkiye awazi radiyosi xewiri: iran tashqi ishlar ministirliqining yazma bayanatigha asaslanghanda, muawin diplomatiye ministiri baqiri pakistan tashqi ishlar ministiri muhemmed ishaq dar bilen téhranda haniyening suyiqestke uchrishishi heqqide téléfonda körüshken.
baqiri heniyyening téhranda iranning méhmini salahitide ikenlikini tekitlep, israiliyening hujumlirining yemen, liwan we téhranni öz ichige alghan halda kéngeygenlikini bildürdi.
israiliyening téhranda heniyyege hujum qilip iranning «chong qizil siziqi» din halqighanliqini bayan qilghan baqiri, bu heriketning ikki aqiwiti bolidighanliqini éytti.
bulardin birining «iranning bu jinayetke keskin jawap qayturushi» bolidighanliqini, yene birining «israiliyening sheytani heriketliri bilen rayonning muqimliqi we bixeterlikini buzidighan heriketlerni köpeytishi» bolidighanliqini we buninggha qarshi islam döletlirining süküt qilmasliqi kéreklikini tekitlidi.
baqiri islam döletliri arisida pewquladde yighin chaqirishni otturigha qoyup, pakistanning tashqi ishlar ministiri ishaq dardin islamabadning bu teklipni qollishni we israiliyening qilmishlirining dawamlishishining aldini élish üchün iqtidarini ishqa sélishni telep qildi.
pakistan ministiri heniyyening shéhit bolghanliqigha teziye bildürüsh bilen bir waqitta, iranning islam döletliri otturisida pewquladde yighin chaqirish teklipini qarshi aldi.
ishaq dar: «musulman xelqlerni zionist hakimiyetning jinayitige qarshi oyghitishning zörürlüki» ni tekitlep, ismail heniyyening téhranda qestlep öltürülüshining «xelqara qanun we iranning igilik hoquqigha ochuq-ashkare xilapliq» ikenlikini otturigha qoydi.
