hamas siyasiy biyurosigha yéngi rehber teyinlesh üchün kéngishishni bashlidi

türkiye awazi radiyosi xewiri: hamas bayanat élan qilip, gerche bu heriket yéqinqi yillarda nurghun rehberlirini yoqitip qoyghan bolsimu, emma tüzüm qurulmisining sistémilashqan bolushi sewebidin yéngi rehberlerni tézdin saylap chiqishta ghelibe qilip kelgenlikini bildürdi.

bayanatta, heniyye suyiqestidin kéyin, siyasiy biyuro we shura kéngishining yéngi rehberlirini saylash üchün derhal kéngishishni bashlighanliqi uqturuldi.

bayanatta, heniyyening peqet hamasqila emes, pelestin xelqige, ereb we islam dunyasigha shundaqla pütün dunyagha nisbetenmu éghir yoqitish bolghanliqi, dunyaning her qaysi jayliridin kéliwatqan hemkarliq körünüshlirining buning eng yaxshi ispati ikenliki bildürüldi.

bayanatta, heniyyening qestlep öltürülüshi hamasning we pelestinning qarshiliq küchini shundaqla iradisini téximu ashurushtin bashqa héch ishqa yarimighanliqi, uning aqqan qénining qarshiliq otini téximu ulghaytidighanliqi otturigha qoyuldi.

bayanatta, metbuat we ijtimaiy alaqe munberliride heriketning rehberlik qatlimigha bezi kishilerning teyinlengenliki heqqide chiqqan xewerlerning asassiz ikenliki, muzakireler tamamlanghandin kéyin, netijining ammagha élan qilinidighanliqi bildürüldi.