yawropa ittipaqi bash elchiliri xitay we rusiyede ziyarette bolghan wiktor orbanni eyiblidi

türkiye awazi radiyosi xewiri: yawropa ittipaqi döletlirining biryussélda turushluq bash elchiliri yighin chaqirip, yawropa ittipaqining nöwetchi reisi, wéngiriye bash ministiri wiktor orbanning ötken heptidiki tuyuqsizla qilghan ashurghan xitay we rusiye ziyaritini muzakire qildi.

bash elchiler orbanni «ittipaqqa wakaliten söz qilish hoquqining bolmasliqigha qarimay, yawropa ittipaqining bashqa rehberliri bilen meslihetleshmestin tuyuqsizla moskwagha bérip, rusiye pirézidénti wladimir putin bilen körüshüp, 27 döletning ittipaqliqigha buzghunchiliq qilish we shertnamilerge xilapliq qilish» bilen eyiblidi.

biryusséldiki wéngiriye wekili bolsa, orbanning yawropa ittipaqigha wakaliten emes, peqet wéngiriye bash ministiri süpitide ziyarette bolghanliqini hemde buning urush toxtitish mumkinchilikini muhakime qilishni meqset qilidighanliqini otturigha qoydi.

döliti 7-ayning 1-küni(2024) yawropa ittipaqining alte ayliq nöwetchi reislik wezipisini ötküzüwalghan wéngiriye bash ministiri orban, 2-iyul kiyéwgha bérip ukraina pirézidénti wolodimir zélénskiy bilen, 5-iyul moskwagha bérip rusiye pirézidénti wladimir putin bilen körüshkenidi.

wéngiriye bash ministiri orban yawropa ittipaqi hökümiti we bir qisim yawropa döletlirining naraziliqini qozghighan rusiye ziyaritidin bir nechche kün kéyin, 8-iyul béyjinggha bérip, xitay dölet reisi shi jinping bilen körüshkenidi.