پۇتىن ئىراننىڭ يېڭى پىرېزىدېنتى پەزەشكىيان بىلەن تېلېفونلاشتى

تۈركىيە ئاۋازى رادىيوسى خەۋىرى: رۇسىيە پىرېزىدېنتلىق مەھكىمىسى — كىرېمىل بايانات ئېلان قىلىپ، پىرېزىدېنت ۋىلادىمىر پۇتىن بىلەن پىرېزىدېنت پەزەشكىياننىڭ تېلېفون سۆھبىتى ئۆتكۈزگەنلىكىنى بىلدۈردى.

باياناتتا كۆرسىتىلىشىچە، پۇتىن پەزەشكىياننىڭ پىرېزىدېنت سايلىمىدىكى غەلىبىسىنى تەبرىكلەپ، يېڭى ۋەزپىسىگە ئۇتۇق تىلىگەن.

رۇسىيە-ئىران مۇناسىۋىتى مۇزاكىرە قىلىنغان تېلېفون سۆھبىتى جەريانىدا، ھەر ئىككى تەرەپ مۇناسىۋەتلەرنىڭ كۈچلۈكلۈكىدىن خۇشال ئىكەنلىكى، ھەر قايسى ساھەلەردىكى ھەمكارلىقنى كۈچەيتىش ئۈچۈن تىرىشچانلىق كۆرسىتىشكە تەييارلىقى بىلدۈرۈلگەن.

ئىككى رەھبەر ئالدىمىزدىكى مەزگىللەردىكى ئۆزئارا ئالاقىنى پىلانلاش مەسىلىسىدە بىردەكلىك ھاسىل قىلغان.