хақан фидан нижний новгород шәһиридә лавров билән көрүшти

түркийә авази радийоси хәвири: дипломатик мәнбәләрдин елинған мәлуматларға асасланғанда, хақан фидан билән  русийә ташқи ишлар министири сергей лавровниң көрүшүшидә, икки тәрәп мунасивәтлири вә район мәсилилири музакирә қилинған болуп, түркийә нуқтисидин муһим орунда туридиған иқтисадий мәсилиләрму күнтәртипкә кәлгән. икки министир йәнә, ғәззәниң нөвәттики вәзийити һәққидиму өзара пикир алмаштурған.

русийә ташқи ишлар министирлиқиниң йазма байанатида билдүрүлишичә, оттура шәрқ вә җәнубий кавказ райониниң нөвәттики вәзийитини өз ичигә алған һалда хәлқара күнтәртипниң асаслиқ мәсилилири музакирә қилинған. лавров ташқи ишлар министири хақан фиданға русийәниң кесәк алтун дөләтлири тәшкилатида алдинқи орунда қойидиған мәсилилири тоғрисида мәлумат бәргән.

хақан фиданниң нижний новгород шәһиридә куба ташқи ишлар министири бруно родригуез парилла биләнму көрүшкәнлики билдүрүлди.

түркийә ташқи ишлар министирлиқи хақан фидан  екс (X) бетидә учур һәмбәһрләп, «министиримиз <BRICS+> йиғиниға қатнишиш үчүн йетип барған нижний новгородта куба ташқи ишлар министири бруно родригуез билән көрүшүп, сийасий вә иқтисадий мәсилиләр, кубаға йүргүзүлүватқан ембарголар, ғәззәниң нөвәттики вәзийитини музакирә қилди» деди.

қәйт қилинишичә, хақан фидан «пәләстин дәваси» ни қоллиғанлиқи үчүн кубаға тәшәккүр ейтқан.