«рәфаһта ролини җари қилдуруватқан дохтурхана қалмиди»

ғәззәниң рәфаһ шәһиридә «ролини җари қилдуруватқан дохтурхана қалмиған» лиқи билдүрүлди.

2148236
«рәфаһта ролини җари қилдуруватқан дохтурхана қалмиди»

түркийә авази радийоси хәвири: бирләшкән дөләтләр тәшкилати (б д т) инсанпәрвәрлик ишлирини маслаштуруш ишханисиниң ишғалийәт астидики пәләстин земинидики инсанпәрвәрлик ишлирини маслаштурғучиси андирийа де доминико, қуддустики ишханисидин тор муһитида мухбирларни күтүвелиш йиғини өткүзүп, ғәззәдә йүз бәргән вәқәләргә аит әң йеңи тәсиратлирини амма билән ортақлашти.

«ғәззәниң оттурисида бир дохтурханини қайтидин қуруш үчүн зор тиришчанлиқлар көрситилмәктә؛ әмма рәфаһта дала дохтурханилиридин башқа ролини җари қилдуруватқан дохтурхана қалмиди» дегән доминико, дунйаниң һәр қайси җайлиридин районға давалаш әтрәтлириниң әвәтилгәнликини, әмма бу дохтурларниң йариланғанларни давалайдиған орун тапалмаслиқиниң «кишини ечиндуридиғанлиқи» ни тәкитлиди.

б д т ниң ғәззәдики мәктәплиридә таки йеқинқи мәзгилләргичә 600 миңдин артуқ оқуғучиниң оқуғанлиқини әскәрткән доминико, һазир бу балиларниң «йәрлик һөкүмәтсиз тәшкилатларниң бәзи ихтийарий паалийәтлиридин башқа» һечқандақ маарип муһитидин бәһриман болалмайватқанлиқини оттуриға қойди.

б д т ниң ғәззәдә давамлиқ мәвҗут болуп турушиниң һазирқи шараитта интайин мүшкүллишип кәткәнликини билдүргән б д т маслаштурғучиси доминико: «растини ейтсам, дунйада система  бундақ суйиестимал қилинған башқа җай йоқ. мән ғәззәдин башқа бир йәрдә бундақ шараит астида паалийәтлирини давамлаштуруватқан б д т вакаләтханилириниң йоқлуқиға ишинимән» деди вә сөзини давамлаштуруп, 2023-йили 7-өктәбирдә башлинип, 36 миңдин артуқ пәләстинликниң өлүшини кәлтүрүп чиқарған исраилийәниң һуҗумлириниң йил ахириғичә давамлишиш еһтималлиқиниң «бирла сөз билән ейтқанда, қорқунчлуқ» болидиғанлиқини қәйт қилди.



مۇناسىۋەتلىك خەۋەرلەر