polsha rusiye we bélarusiye üchün ishligen «jasus»larni qolgha élishni dawamlashturmaqta

türkiye awazi radiyosi xewiri: polsha 12-aydin buyan rusiye we bélarusiyege wakaliten buzghunchiliq qilish jinayiti sadir qilghanliqini ilgiri sürüp 18 ademni qolgha aldi؛ bularning ichide ukraina pirézidénti wolodimir zélénskiyni qestlep öltürmekchi bolghan kishimu bar.

polsha ichki bixeterlik idarisi bayanat élan qilip, dékabirdin buyan polsha, bélarusiye we ukraina puqralirini öz ichige alghan 18 kishining qolgha élinghanliqini, ularning bezilirining yéqinda dölet tewelikide yüz bergen bezi hujum we ot qoyush weqelirige biwasite qatnashqanliqini uqturdi.

ichki ishlar ministiri tomas simmoniyak rusiye we bélarusiyege wakaliten buzghunchiliq qilish heriketliri bilen shughullanghan gumandarlarning, tor hujumliri we bélarusiyelik köchmenlerning polshagha kirishige kapaletlik qilish qatarliq dölet bixeterlikige tehdit salidighan paaliyetlerni élip barghanliqini eskertti.

polshaliq teptish xadimliri, qolgha élinghanlarning birining wolodimir zélénskiyni qestlep öltürüshni pilanlawatqan «rusiyening jasusi» bolushidin guman qiliniwatqanliqini  qeyt qildi.