سام ئالتمان سۈنئىي ئىدراك ئۈچۈن كونترول مېخانىزمى يولغا قويۇشنىڭ زۆرۈرلۈكىنى تەكىتلىدى

تۈركىيە ئاۋازى رادىيوسى خەۋىرى: سام ئالتمان ئەرەب بىرلەشمە خەلىپىلىكىنىڭ دۇبەي شەھىرىدە ئۆتكۈزۈلگەن «دۇنيا ھۆكۈمەتلىرى باشلىقلار يىغىنى»دا سۈنئىي ئىدراك ھەققىدە سۆز قىلدى؛ ناھايىتى تېز سۈرئەتتە تەرەققىي قىلىۋاتقان سۈنئىي ئىدراكنىمۇ خەلقئارا ئاتوم ئېنېرگىيەسى ئورگىنى (IAEA) غا ئوخشاش بىر ئورگان تەسىس قىلىپ نازارەت قىلىشنىڭ زۆرۈرلۈكىنى ئوتتۇرىغا قويغان سام ئالتمان، نىيەت يامان بولمىسىمۇ، بۇ سىستېمىلارنى كونترولسىز ھالدا ئاممىغا سۇنۇشنىڭ ئېغىر خەتەرلەرنى كەلتۈرۈپ چىقىرىش مۇمكىنچىلىكى بارلىقىنى تەكىتلىدى.

ئالتمان يەنە، سۈنئىي ئىدراك ساھەسىنىڭ تېخى باشلانغۇچ نۇقتىدا ئىكەنلىكىنى، بۇ تېخنىكىنىڭ تېخىمۇ ياخشى نۇقتىلارغا يېتىدىغانلىقىنى سۆزلىرىگە ئىلاۋە قىلدى.