yaponiyede kashila sewebidin nurghunlighan yuqiri süretlik poyiz mulazimiti waqitliq toxtitildi
yaponiyening sherqiy we ottura rayonlirida nurghunlighan yuqiri süretlik poyiz mulazimiti tok üzülüp qélish sewebidin waqitliq toxtitildi.
türkiye awazi radiyosi xewiri: sherqiy yaponiye tömür yol shirkitining bayanatigha asaslanghanda, shu yerning waqti etigen saet 10:00 etrapida toxoku, joétsu, xokuriku yuqiri süretlik poyiz liniyeliride tok üzülüp qélish hadisisi yüz bergen.
tok üzülüp qalghandin kéyin, tokyo bilen xokkaydo ariliqida qatnaydighan hayasuba 13 – numurluq yuqiri süretlik poyizi saytama ölkisining omiya rayonida buzulup qalghan.
kashila sewebidin toxoku, joétsu, xokuriku liniyesidiki nurghunlighan yuqiri süretlik poyiz mulazimiti waqitliq toxtitilghan.
wagonlargha qapsélip qalghan yoluchilarning rélis yolida piyade tarqaqlashturulghanliqi bildürüldi.
sherqiy yaponiye tömür yol shirkiti kashilining hel bolmighanliqini eskertip, poyiz mulazimitini qayta bashlashqa waqit kétishi mumkinlikini élan qildi.
