түркийә - пәләстин достлуқ дохтурханисиниң мудири түркийәдин йардәм сориди

ғәззәдики бирдинбир рак бимарлирини давалаш мәркизи болған түркийә-пәләстин достлуқ дохтурханисиниң мудири субһи сукәйк, дохтурханини қайтидин хизмәткә кириштүрүш үчүн, түркийәдин йардәм тәләп қилди.

2083070
түркийә - пәләстин достлуқ дохтурханисиниң мудири түркийәдин йардәм сориди

түркийә авази радийоси хәвири: түркийә – пәләстин достлуқ дохтурханисиниң мәшғулатлири исраилийәниң 7 – өктәбирдин буйан давамлишиватқан һуҗумлири вә муһасириләр түпәйли тохтап қалғаниди. дохтурхана мудири субһи сукәйк түркийәгә чақириқ қилип: «дохтурханиниң қайтидин хизмәткә кириштүрүлүши үчүн, биз қериндаш дөләт түркийәдин йардәм сораймиз» деди.

у, исраилийәниң қамали сәвәбидин дохтурханидики рак бимарлирини давалашта ишлитилидиған дориларниң түгәп кәткәнликини тәкитлиди.

сукәйк бәзи бимарларниң түркийәни өз ичигә алған башқа дөләтләргә әвәтилгәнликини байан қилип, түркийә-пәләстин достлуқ дохтурханисиниң ғәззәдики рак бимарлири үчүн, бирдинбир «үмид ишики» икәнликини әскәртти.

дохтурхана башлиқи түркийә вә дунйаға хитаб қилип: «биз болупму қериндаш дөләт түркийәдин бимарларниң йөткилишигә рухсәт қилинишини вә давалашқа еһтийаҗлиқ дорилар билән тәминлишини тәләп қилимиз» деди.



مۇناسىۋەتلىك خەۋەرلەر