bélarusiye pirézidénti lukashénko rusiyede ziyarette bolmaqta

türkiye awazi radiyosi xewiri: lukashénko rusiyening sant pétirborg shehiride bélarusiyege toshulghan rusiye yadro qoralliri toghrisida bayanat élan qildi.

u dölitige yadro qorallirini toshush musapisining tamamlanghanliqini bayan qilip: «toshush alliqachan séntebir yaki öktebirde tamamlandi. eng axirqi toshush öktebirning béshida ishqa ashuruldi. hemme ishlar jayida, yaxshi ehwalda» dédi.

rusiye pirézidénti wladimir putin martta bélarusiyege taktikiliq yadro qorallirini orunlashturidighanliqlirini élan qilghan؛ burun bélarusiyege tapshurulghan «iskender» namliq yuqiri sezgürlükke ige bashqurulidighan bomba sistémilirigha bu qorallarning seplinidighanliqini éytqanidi.

rusiye dölet mudapie ministiri sérgéy shoygu bilen bélarusiye dölet mudapie ministiri wéktor xrénén mayda «rusiyening istratégiyelik bolmighan yadro qorallirini bélarusiyediki iskilatlarda saqlash» toghrisida kélishim imzalighanidi.