qaratagh islam birliki ghezzelik balilargha 120 ming yawro yardem qildi
qaratagh islam birliki ghezzelik balilar üchün 120 ming yawrogha yéqin meblegh toplidi.
türkiye awazi radiyosi xewiri: qarataghdiki islam birlikining reisi rifet féjzich, pelestinning qaratagh bash elchisi rabi elxantuli bilen körüshti, hemde islam birlikining yardimi üchün uninggha rehmet éytip mundaq dédi:
«qarataghdiki islam birliki ghezzelik balilar üchün texminen 120 ming yawro meblegh toplap, pelestin qizilay jemiyitige tapshurup berdi.»
rifet féjzich ammiwi ortaqlishish tor béti X sehipiside élan qilghan bayanatidimu: «tinchliqtin bashqa tallash yoq» dédi.
pelestinning qaratagh bash elchisi rabi elxantuli, qarataghdiki islam birlikining reisi rifet féjzichqa minnetdarliq xéti sundi we pelestin xelqining nechche on yildin buyan israiliyening ishghaliyiti we tajawuzchiliqigha duch kéliwatqanliqini eskertti.
u, islam birlikining yardimi we qollishidin intayin minnetdar ikenliklirini bildürüp mundaq dédi:
«taki israiliyege dunya miqyasida omumyüzlük émbargo yürgüzülgenge qeder, israiliye pelestin xelqige qarshi dawamlashturuwatqan urush jinayetlirini toxtatmaydu yaki pelestindiki ishghaliyitige xatime bermeydu.»
