يەر شارىدىكى ئەڭ چوڭ مۇز تېغى ھەرىكەت قىلىشقا باشلىدى

تۈركىيە ئاۋازى رادىيوسى خەۋىرى: «A23a» دەپ نام بېرىلگەن مۇز تېغى 1986-يىلى ئانتاراكتىكا قىرغىقىدىن ئايرىلغان ئىدى. ئەمما، ۋېددېل (Weddell) دېڭىزىدا پېتىپ قېلىپ، بىر مۇز ئارىلىغا ئايلانغان ئىدى.

ئالىملار ئۆتكەنكى يىللاردا يزۈئۆلچىمى تەخمىنەن 4 مىڭ كىۋادرات كىلومېتىر كېلىدىغان مۇز پارچىسىدا ھەرىكەتلىشىنىڭ بارلىقىنى بايقىغان ئىدى.

ئەڭ يېڭى مەلۇماتلاردا كۆرسىتىلىشىچە، قېلىنقى تەخمىنەن 400 مېتىر كېلىدىغان مەزكۇر مۇز تېغى 30 يىلدىن ئارتۇقىراق ۋاقىتتىن بېرى ھەرىكەتسىز تۇرغان بولۇپ، ئەمدىلىكتە ئانتاراكتىكانىڭ سىرتىغا قاراپ قايتىدىن ھەرىكەت قىلىشقا باشلىغان.

ئالىملارنىڭ قارىشىچە، ئارىدىن ئۆتكەن 35 يىلدا مۇز تېغى ئېرىشكە باشلىغان ۋە يەڭگىللىگەن. نەتىجىدە سۇنىڭ ئۈستىدە ھەرىكەت قىلغۇدەك دەرىجىدە كىچىكلىگەن.