iran we wéngiriye tashqi ishlar ministirliri ghezze mesilisi toghrisida sözleshti
iran tashqi ishlar ministiri hüseyin emir abdullahiyan bilen wéngriyelik mensepdishi pétér sizijarto ikki döletning munasiwiti hemde pelestinning nöwettiki weziyiti toghrisida sözleshti.

türkiye awazi radiyosi xewiri: iran tashqi ishlar ministirliqi ijtimaiy taratqu supisi «X» tiki adrésida bayanat élan qilip, ministir abdullahiyan bilen wéngriye tashqi ishlar, qoshumche tashqi soda ministiri sizijartoning téléfonlashqanliqini uqturdi.
bayanatta körsitilishiche, hujumlar sewebidin ghezzediki insanperwerlik weziyitining yamanlashqanliqini eskertken abdullahiyan, israiliyening ghezzediki kishilerni bombardiman qilish we kolléktip halette öltürüsh arqiliq barliq kishilik hoquq we xelqara qanunlargha ochuq-ashkare xilapliq qilghanliqini otturigha qoyghan.
u, israiliyening ghezzege qaratqan hujumlirining derhal toxtitilishi, derhal we shertsiz urush toxtitishning kapaletke ige qilinishi we ghezze xelqige insanperwerlik yardemlirini yetküzüp bérish pursitining yaritilishi üchün, xelqara jemiyetning bésim ishlitishi kéreklikini tekitligen.
abdullahiyan iran bilen wéngiriye otturisidiki munasiwetning künséri küchiyiwatqanliqini tilgha élip, özara kéngishishni dawamlashturushning ikki dölet munasiwitining tereqqiyatigha paydiliq ikenlikini otturigha qoyghan.
wéngriye tashqi ishlar ministiri sizijartomu iran bilen wéngriye munasiwitini her jehettin ilgiri sürüshning dawamlashturulidighanliqini we buninggha ilhamlandurulushini ümid qilidighanliqini bildürgen.
u yene, dölitining pelestinning nöwettiki tereqqiyatigha tutuwatqan pozitsiyesinimu tilgha élip ötken.
مۇناسىۋەتلىك خەۋەرلەر

parizhda süriye mesilisi yighini ötküzüldi
firansiyening paytexti parizhda xelqara süriye mesilisi yighini chaqirildi.