әбу убәйдә авазлиқ байанат елан қилип, әң йеңи әһваллар һәққидә мәлумат бәрди

әбу убәйдә аваз линтисида, исраилийәниң ишғалийитигә қарши күрәшниң давамлишиватқанлиқини тәкитләп, ишғалийәтчи қисимниң 20 һәрбий биронивекниң йеқинқи 48 саәт ичидә пүтүнләй йаки қисмән пачақлап ташланғанлиқини елан қилди.

2064084
әбу убәйдә авазлиқ байанат елан қилип, әң йеңи әһваллар һәққидә мәлумат бәрди

түркийә авази радийоси хәвири: исраилийәниң ғәззәгә қаратқан һуҗумлири давамлишиватқан бир пәйттә, пәләстин қаршилиқ көрситиш һәрикити-һамасниң һәрбий қанити қассам биригадилириниң байанатчиси әбу убәйдә, йеқинқи 48 саәт ичидә исраилийәниң 20 һәрбий бирунивекниң пачақлап ташланғанлиқини елан қилди.

әбу убәйдә: «ишғалийәтчи күчләр һәр бир қәдәмдә муҗаһидлиримизниң зәрбисигә учримақта» деди.

әбу убәйдә мурәссәчиләргә бәш күнлүк уруш тохтитиш бәдилигә тәхминән 70 кичик бала вә айални қойуп бериш тәклипини билдүргәнликини әскәртти.

әбу убәйдә исраилийә тәрәпниң 200 пәләстинлик кичик бала вә 75 пәләстинлик айал мәһбусни қойуп бериш тәклипигә қулақ салмиғанлиқиниму уқтурди.

әбу убәйдә исраилийәниң мусапини қәстән узартиватқанлиқини вә уруш тохтитишқа йеқинлашқили унимиғанлиқини әскәртип: «исраилийә әсирләрниң өлтүрүлүшигә писәнт қилмай кәлмәктә» деди.

һамас исраилийәниң бомбардиманчилиқида өлгән бир исраилийәлик әсирниң видеосини елан қилди.

видеода, бир исраилийәлик йаш айал йеқин әтрапта партлаватқан бомбилардин қорқуватқанлиқини аңлитиду вә исраилийәгә чақириқ елан қилип: «һуҗумни тохтитиңлар, қорқуватимиз» дәйду.

исраилийәлик айал бу ахирқи учурдин кейин, исраилийәниң бомбардиманида өлиду.

қассам биригадилири илгириму исраилийәниң қаттиқ бомбардиманида қоллиридики 60 әсирниң өлгәнликини елан қилған иди.

йәнә бир тәрәптин, исраилийә қисимлири муһасирә астидики ғәззә районида давамлишиватқан тоқунушта йәнә, икки исраилийә әскириниң өлгәнликини вә төт әскириниң еғир йариланғанлиқини хәвәр қилди.

исраилийә қисимлири райондики қуруқлуқ һәрикитини кеңәйткәндин кейин, 31 - өктәбир (2023) дин буйан ғәззә районидики тоқунушларда җенидин айрилған исраилийә әскәрлирииң сани 46 гә йәтти.

ишғалийәт астидики  ғәрбий қирғақ вә ливан чеграси қатарлиқ җайларда 7 – өктәбир (2023) дин буйанқи һуҗумларда өлгән исраилийә әскәрлириниң сани җәмий 365 кә йәтти.

һамасниң қораллиқ қанити изәддин қассам биригадилири 7 - өктәбирдә «исраилийәниң пәләстинликләргә вә мәсҗиди әқса қатарлиқ муқәддәс қиммәт қарашлириға қаратқан үзлүксиз дәхли-тәрузлирини давамлаштуруватқанлиқиға җавабән» кәң көләмлик һуҗум қозғиған иди. исраилийә қисимлириму ғәззә райониға һава һуҗуми қозғап вәһшийләрчә бомбардиман қилишни башлиған иди.

исраилийә 7- өктәбирдин буйан 46 нәпири ғәззә районида, алтә нәпири ливанниң шималий чегрисида болуп, җәмий  365 нәпәр исраилийә әскириниң өлгәнликини, булардин башқа йәнә, 1200 дин артуқ исраилийәликниң җенидин айрилғанлиқини  вә 5132 исраилийәликниң йариланғанлиқини елан қилған иди.  

ғәззә һөкүмитиниң байанатида, ғәззәдә җенидин айрилғанлар саниниң 11 миң 360 тин ешип кәткәнлики билдүрүлди.

исраилийәниң билдүришичә, һамасниң қолида һазир 239 нәпәр исраилийәлик әсир бар икән.



مۇناسىۋەتلىك خەۋەرلەر