amérikaning aqdéngizgha chüshüp ketken herbiy ayropilanida besh xadim qaza qildi
amérikaning aqdéngizgha chüshüp ketken herbiy ayropilanidiki besh xadimning hemmisning qaza qilghanliqi bildürüldi.
![amérikaning aqdéngizgha chüshüp ketken herbiy ayropilanida besh xadim qaza qildi](http://cdn.trt.net.tr/images/xlarge/rectangle/a7d7/802c/066a/6225b4169ef81.jpg?time=1719137773)
türkiye awazi radiyosi xewiri: amérika yawropa qomandanliq ishtabi (EUCOM) 10- noyabir (2023) da herbiy meshiq dairiside, hawada yéqulghu qachilash jeryanida aqdéngizgha chüshüp ketken amérika herbiy ayropilanidiki besh xadimning hemmisning qaza qilghanliqini élan qildi.
amérika yawropa qomandanliq ishtabining bayanatida, «amérikaning bir herbiy ayropilani herbiy meshiq dairiside hawada yéqulghu qachilash jeryanida aqdéngizgha chüshüp ketti. ayropilandiki besh herbiy xadimning hemmisi qaza qildi» déyildi.
bayanatta, weqedin kéyin derhal amérikaning yéqin etraptiki herbiy ayropilanliri we paraxotlirining qatnishishi bilen, izdesh-qutquzush xizmetlirining bashlanghanliqi, weqeni tekshürüsh ishlirining dawamlishiwatqanliqi uqturuldi.
israiliyening ghezze hujumliri bashlanghandin kéyin, amérika armiyesi aqdéngizgha ikki awiyamatkani öz ichige alghan zor herbiy küchini orunlashturghan we rayonda manéwir bashlighan idi.
مۇناسىۋەتلىك خەۋەرلەر
![liwan hizbullahi: isirailiye pushayman qilidu](http://cdn.trt.net.tr/images/medium/rectangle/3cc3/db28/e5e7/571459f87d3d8.jpg?time=1719137773)
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliq toghrisida agahlandurdi.