нйу йорк вақти гезити дохтурхана қирғинчилиқини бурмилашқа урунди

американиң «нйу йорк вақти гезити» ниң ғәззәдики дохтурхана қирғинчилиқиниң җавабкари исраилийәни ақлашқа урунуш тиришчанлиқи кишиләрниң диққитини қозғиди.

2053063
нйу йорк вақти гезити дохтурхана қирғинчилиқини бурмилашқа урунди

түркийә авази радийоси хәвири: қирғинчилиқниң дәсләпки минутлирида «исраилийәниң дохтурханиға қилған һуҗумида йүзлигән адәм қаза қилди» дегән мавзуда хәвәр тарқатқан «нйу йорк вақтий гезити» ниң, узун өтмәйла хәвәрниң мавзусини вәқәниң җавабкари исраилийәниң исмини чиқириветип, «ғәззәдики дохтурханиға қилинған һуҗумда кәм дегәндә 500 адәм өлди» дәп өзгәртиши оқурмәнләрниң диққитини қозғиди.

әмма, гезитниң хәвәргә бунчилик өзгәртиш киргүзүши купайә қилмиди. хәвәрниң мавзусиға қайта өзгәртиш киргүзгән гезит, бу қетим «һуҗум» сөзиниң орниға «партлаш» ибарисини ишләтти. шуниң билән, хәвәрниң мавзоси «ғәззәдики дохтурханида йүз бәргән партлашта кәм дегәндә 500 адәм қаза қилди» ға өзгәргән болди.

хәвәрниң темисиға киргүзүлгән қисқа вақит ичидики бу өзгәртишләр арқилиқ, исраилийә садир қилған қирғинчилиқ келип чиқиши намәлум бир партлаш нәтиҗисидә йүз бәргәндәк қилип көрситилди.

нйу йорк вақти гезитиниң бу вәқәни бурмилашқа урунуши тезла байқилип қалди. иҗтимаий таратқуларда гезитниң қирғинчилиқниң җавабкари исраилийәни ақлашқа урунуши күчлүк наразилиқ пәйда қилди.

исраилийә алдинқи күни (2023-йили 17-өктәбир) кәчтә ғәззәниң мәркизидики әһәһли бабтист дохтурханисини бомбардиман қилған қирғинчилиқта, 471 пуқра җенидин айрилғаниди.



مۇناسىۋەتلىك خەۋەرلەر