malayshiya mudapie uniwérsitétining herbiy oqughuchiliri bilen akadémikliri türkche öginidu

türkiye awazi radiyosi xewiri: kualalampur yunus emre instituti  bilen malayshiya dölet mudapie uniwérsitéti otturisida herbiy oqughuchilar we akadémiklargha türk tili ögitish hemde türkche we türk medeniyitini teshwiq qilidighan paaliyetlerni teshkillesh boyiche hemkarliq kélishimi imzalandi.

türkiyening kualalumpurda turushluq elchixanisi yazma bayanat élan qilip, malayshiya dölet mudapie uniwérsitétining modiriyet binasida ötküzülgen imza qoyush murasimigha bash elchi emir salim yüksel, uniwérsitét modiri léyténant général datuq mardzuqi muhemmed, muawin modir dato ehmed mujahid bin ehmed zaidi we kualalampur yunus emre instituti kordinatori ömer altun qatarliqlarning qatnashqanliqini uqturdi.

datof mardzuqi muhemmed imza qoyush murasimida söz qilip, bu yil ötüshni bashlash pilanliniwatqan dersler bilen birlikte, türkchining uniwérsitétning til ögitish merkizide oqutulidighan 6- til bolidighanliqini eskertti.

datof mardzuqi muhemmed türkche derslerdin bashlinidighan hemkarliqning süpet we özara menpeet yetküzüsh asasida her qaysi sahelerde, bolupmu maarip, tetqiqat, neshriyat we terjime saheliride tereqqiy qildurulidighanliqini qeyt qildi.

bash elchi yükselmu enqere bilen kualalampur otturisidiki qoyuq herbiy munasiwetlerni tilgha élip ötti.

u hemkarliq kélishimining ikki dölet mudapie sanaiti sahesidiki paaliyetlerge yéngiche roh béghishlaydighanliqini tilgha élip, malayshiyada paaliyet qiliwatqan türkiye mudapie sanaiti shirketlirining munasiwetler hemde ortaq xizmetlerge zor töhpe qoshidighanliqigha ishinidighanliqini éytti.