lawrow: amérika firatning sherqide ashliq we néfit etkeschiliki qilmaqta
rusiye tashqi ishlar ministiri sérgéy lawrow amérika qoshma ishtatlirining «firatning sherqide yérim kord döliti qurup, süriyening néfit we ashliqini etkes qiliwatqanliqi» ni ilgiri sürdi.
2042806
türkiye awazi radiyosi xewiri: rusiye tashqi ishlar ministiri lawrow tunis tashqi ishlar ministiri nebil emmar bilen körüshkendin kéyin ötküzülgen birleshme axbarat élan qilish yighinida söz qildi.
u rusiyening süriye mesilisige qarita astana formatsiyesi dairiside, türkiye we iran bilen hemkarlishiwatqanliqini, gherbning émbargoliri sewebidin süriyening iqtisadida éghir mesililerning dawamlishiwatqanliqini bayan qildi.
u amérika qoshma ishtatlirining firat deryasining sherqidiki heriketliriningmu süriye iqtisadigha passip tesir körsitiwatqanliqini eskertip mundaq dédi: «amérika qoshma ishtatliri firat deryasining sherqide yérim kord döliti qurup, süriyening néfit we ashliqini etkes qilmaqta.»
