wéngiriye: shiwétsiyening nato ezaliqini testiqlashqa aldirimaymiz
wéngiriye bash ministiri wiktor orban shiwétsiyening shimaliy atlantik ehdi teshkilati-natogha ezaliqini testiqlashqa aldirashqa kérek yoqluqini éytti.
türkiye awazi radiyosi xewiri: bash ministir orban wéngiriye parlaméntida élan qilghan bayanatida, «shiwétsiyening bixeterlikige tehdit shekillendürüwatqan bir ehwal yoq, shunga shiwétsiyening shimaliy atlantik ehdi teshkilati-natogha ezaliqini testiqlashqa aldirash kérek emes» dédi.
wéngiriye iyun éyida shiwétsiyening natogha eza bolushini testiqlash yighinining küzge kéchiktürülgenlikini uqturghanidi.
2022 – yili 24 – féwral rusiye – ukraina urushining bashlinishidin kéyin, finlandiye bilen shiwétsiye nechche on yilliq herbiy bitereplik siyasitini axirlashturghanidi.
bu ikki dölet ötken yili may éyida natogha eza bolush üchün iltimas sunghanidi.
finlandiye wedisi boyiche eza bolush shertini ada qilghanliqi üchün, 4-aprél (2023) natoning 31-ezasi bolghanidi.
