rusiye we ukraina özara hawa hujumlirigha munasiwetlik bayanat élan qildi

türkiye awazi radiyosi xewiri: rusiye dölet mudapie ministirliqi yazma bayanat élan qilip, kéche waqitlirida ukrainaning rusiye zéminlirigha uchqular bilen hujum qilmaqchi bolghanliqini bildürdi.

bélgorod hawa tewelikide ukrainaning yette uchqusining pachaqlap tashlanghanliqi eskertilgen bayanatta, kursk rayoni hawa tewelikide bolsa, töt uchquning yoqitilghanliqi qeyt qilindi.

ukraina hawa armiyesi qomandanliq ishtabi élan qilghan bayanatta, kéche waqitlirida rusiyening ukraina zéminlirigha «shahéd» uchquliri bilen hujum qilghanliqi bildürüldi.

bayanatta, «rusiye armiyesining sherqiy jenub tereptin 38 dane uchqu qoyup bérildi. 26 dane shahéd uchqusi pachaqlandi» déyildi.

odéssa rayonining herbiy ishlirigha mesul bashliqi olég kipér ijtimaiy taratqu adrésida bayanat élan qilip, rusiyening kéche waqtida odéssagha ikki saet boyiche toxtimay uchqular bilen hujum qilghanliqini, uchqularning köpinchisining pachaqlap tashlanghanliqini bildürdi.

u: «nahayit epsuski izmail nahiyesidiki port bombardiman qilindi, ikki kishi yarilandi, kontrol binasi we iskilatlar buzghunchiliqqa uchridi» dédi.

bu jeryanda, 22-séntebir siwastopoldiki rusiye qara déngiz flotining bombardiman qilinishi netijiside, rusi qomandan wiktor sokolowning ölgenliki élan qilindi.

rusiye pirézidénti putinning 2022-yili 24-féwral ukrainani ishghal qilish permanini chüshürüshi bilen, ukraina-rusiye urushi resmiy partlighan idi.

putin kiyéwning natogha eza bolushining aldini élish we rusiyening tesiri astigha kirgüzüsh üchün ukrainani herbiyszleshtürüshni, hemde natsistlardin tazilashni meqset qilghanliqlirini bildürgen idi.